Hektor Psathan është viktima e aksidentit të ndodhur në autostradën Tiranë-Durrës, në orët e para të mëngjesit të së premtes.
44-vjeçari shtë një emër i njohur në Durrës pasi disa vite më parë ka qenë pjesë e futbollit të sallës, si lojtar i Teutës dhe i ekipi kombëtar të Shqipërisë, ku ka marrë pjesë në dy kampionate.
Mësohet se Psathan ka qenë së bashku me një shok dhe të dy po ktheheshin nga Tirana për në Durrës në kohën kur automjeti i tyre ka dalë nga rruga në zonën midis Sukthit dhe Durrësit.
Ende nuk dihen arsyet se përse drejtuesi ka humbur kontrollin e automjetit, por në vendngjarje duken shenjat e gomave në kohën që autovetura ka rrëshqitur drejt një kanali buzë rrugës.
Si pasojë e aksidentit 44-vjeçari ka humbur jetën, ndërsa shoku i tij është dërguar në spital dhe aktualisht është jashtë rrezikut për jetën.
