Një burrë i dha fund jetës sot në fshatin Kallm i Vogël i Fierit. Alush Kumanaku 55 vjeç pasi ishte kthyer nga kullota me bagëtitë kishte hyrë në dhomën e gjumit, duke qëlluar veten me armën e gjahut, thanë familjarët në dëshminë e parë për policinë.
Në momentin që ndodhi ngjarja, në shtëpi kanë qenë familjarët e Alushit, bashkëshortja dhe djali. 55 vjeçari ishte baba i tre fëmijëve, 2 djem dhe një vajzë. Nuk dihet të ketë patur probleme sociale apo ekonomike, banorët e fshatit përmendin vetëm një fakt: Atë të vdekjes së dy prindërve të moshuar të tij, gjatë vitit të fundit.
Sakaq, policia përmes një njoftimi për mediat deklaroi: Në datën 30.05.2018, rreth orës 10:30, në fshatin Kallm i Vogël, në banesën e tij është gjetur nga familjarët i vetëvrarë me armë gjahu (të cilën e kishte me leje) shtetasi A.K, 55 vjeç,” njofton policia.
Nga kqyrja paraprake në trupin e viktimës nuk u konstatuan shenja dhune përveç plagëve nga arma e gjahut. Grupi hetimor po punon për zbardhjen e plotë të rrethanave e shkakut të ngjarjes, thuhet më tej nga policia e Fierit.
