Një shqiptar është ekzekutuar në një lokal në veri të Guayaquil në Ekuador. Vend ky i cili njihet dhe si një ndër zonat e trafikut me të madh të kokainës.
I ekzekutuar edhe Ergys Dashi, 34 vjeç, ndaj të cilit është qëlluar mbi 20 herë nga dy person teksa ndodhej i ulur brenda në lokal. Gjatë atentatit, u plagos dhe një 26-vjeçare, Angie Romero, e cila nuk kishte lidhje me ngjarjen por ishte ulur në tavolinën pranë viktimës. Dyshohet se Ergys Dashi ishte i përfshirë në trafikun e kokainës.
Ekzekutimi ka ndodhur më 22 janar në orën 19:00, kur dy autorët kanë hyrë brenda lokalit me synimin për të ekzekutuar Ergys Dashin. Njëri prej autorëve mbante një buqetë me lule në duart, për t’u ruajtur nga kamerat e sigurisë së barit, ndërsa tjetri ka nxjerrë armë dhe ka shtënë mbi 20 herë duke lënë të vdekur 34-vjeçarin dhe tmerruar klientët që ndodheshin brenda në atë moment.
