Në vijim të operacionit policor të koduar “Parku”, të finalizuar ditën e djeshme, ku u vunë në pranga 12 shtetas, ka vijuar puna me hetime të thelluara për kapjen e personave të tjerë të implikuar në këtë veprimtari kriminale.
Policia bën me dije se në vijim të hetimeve është shpallur në kërkim dhe është arrestuar në Dhërmi Rei Demneri, pasi ka rezultuar se ishte i implikuar në këtë veprimtari kriminale.
Në zbatim të vendimit të Gjykatës, e cila i ka caktuar masën e sigurimit “Arrest në burg”, për veprën penale “Prodhimi dhe shitja e narkotikëve”, u bë ndalimi i Rei Demneri, 21 vjeç. Ky shtetas, në bashkëpunim me personat e tjerë të arrestuar, merrej me veprimtarinë kriminale të shpërndarjes së lëndëve narkotike.
