Një 53-vjeçar shqiptar ka humbur jetën, si pasojë i një aksidenti rrugor të ndodhur mëngjesin e sotëm në Moncalvo të Italisë.
Mësohet se viktima është identifikuar si Telo Kurti, murator shqiptar banues prej viteve 1990 në Otiglio. Kurti ishte babai i dy fëmijëve të cilët kanë marrë nënshtetësinë italiane javën e kaluar.
Shkaqet e përplasjes dyshohet të jetë shpejtësia e lartë ose bllokimi i rrugës. Përplasja e fortë nuk i dha asnjë shpresë 53-vjeçarit me origjinë shqiptare, duke bërë që ai të ndërronte jetë në vend.
Ndërkohë, autoritetet italiane kanë nisur hetimet për të përcaktuar saktësisht shkakun e aksidentit që i mori jetën shqiptarit./ Opinion.al
