Asambleja e Përgjithshme e Prokurorëve zgjodhi këtë të premte anëtarët e rinj të Këshillit të Lartë të Prokurorisë.
Mësohet se anëtari i parë i zgjedhur, është Moisi Duda, i cili mori 122 vota ndaj rivales, Aferdita Ndoi me 106 vota. Sakaq, raportohet se 6 vota ishin të pavlefshme.
Dy kandidatet e tjerë të zgjedhur janë Olger Eminaj dhe Vatë Staka. Eminaj ka marrë 103 vota, ndërsa Stakai ka arritur të marrë 98 vota.
Mësohet se mandati u ka përfunduar Bujar Sheshit nga Apeli, Esmeralda Keshi, shkalla e Parë, Eloida Goxhi, shkalla e parë.
