Dy të rinj kanë rënë në prangat e policisë në Kamzë pasi shpërndanin kanabis në afërsi të shkollave.
Bëhet fjalë për Xhenario Klosi dhe Armand Thaçi, të dy banues në Kamzë.
Sipas policisë, është dokumentuar përmes veprimeve hetimore se dy të arrestuarit shisnin kanabis në afërsi të shkollave në Kamzë.
Gjatë kontrollit fizik, 23-vjeçarit Xhenario Klosi i janë gjetur 15 doza kanabisi, të cilat u sekuestruan në cilësinë e provës materiale.
Gjithashtu, nga verifikimet e kryera ka rezultuar se Armand Thaçi kishte thyer masën e sigurisë “Arrest në shtëpi”, të caktuar nga Gjykata e Shkallës së Parë Gjirokastër, për veprën penale “Ndihma për kalim të paligjshëm të kufijve”.
