Policia e Durrësit ka arrestuar pesë persona dhe një tjetër është shpallur në kërkim në sajë të operacionit antidrogë të koduar “Triss”.
Nga operacioni janë sekuestruar 500 kiliogram kanabis si dhe 4 mjete e 12 telefona celularë.
Ndërkohë mendohet se pesë të arrestuarit janë pjesë e grupit që do transpotonte sasinë e kanabisit jashtë vendit, ndërsa ajo është kultivuar nga persona të tjerë.
Policia me zbardhjen e tabulateve telefonike pritet të identifikojë edhe bashkëpunëtorë të tjerë të tyre.
Specialistët për Hetimin e Narkotikëve në Drejtorinë Vendore të Policisë Durrës në bashkëpunim me Specialistët e Komisariatit të Policisë Durrës dhe Shijak finalizojnë me sukses operacionin e koduar “Triss”. Sekuestrohen 500 kg Cannabis Sattiva, 4 mjete dhe 12 telefona celularë. Arrestohen në flagrancë pesë shtetas dhe shpallet në kërkim një tjetër.
Specialistët për Hetimin e Narkotikëve në Drejtorinë Vendore të Policisë Durrës, në bashkëpunim me Specialistët për Krimet në Komisariatin e Policisë Durrës dhe Shijak, në vijim të punës së tyre për parandalimin dhe goditjen e rasteve të prodhimit të lëndëve narkotike, në bazë të informacioneve të marra në rrugë operative kanë finalizuar me sukses operacionin e koduar “Triss”.
Janë arrestuar në flagrancë pesë shtetas, konkretisht:
- Adem Laze 47 vjeç , banues në Xhafzotaj, Durrës;
- Elisar Barashima 29 vjeç, banues në Kurcaj, Fushë-Krujë;
- Mustafa Sala 22 vjeç, banues në Hasan, Fushë- Krujë;
- Gjon Syziu 23 vjeç, banues në Mirditë;
- Tanush Rica 23 vjeç, banues në Rrëshen. Gjithashtu është shpallur në kërkim shtetasi:
- T.D. 29 vjeç, banues në Xhafzotaj, Durrës.
