Detaje të reja janë zbuluar nga ngjarja e ndodhur mbrëmjen e sotme në Librazhd. Policia ka identifikuar autorin që qëlloi me armë zjarri duke plagosur një 35-vjeçar.
Ndërkaq, sipas News 24 , dyshohet se autori ka pasur për objektiv një tjetër person.
Sipas policisë 27-vjeçari Albi Biçaku, duke qarkulluar me një automjet, në rrethana ende të paqarta ka plagosur me armë zjarri shtetasin Shpëtim Skura, 35 vjeç.
35-vjeçari është transportuar në spital për ndihmë mjekësore dhe aktualisht ndodhet jashtë rrezikut për jetën.
Grupi hetimor nën drejtimin e Prokurorisë vijon veprimet në vendngjarje me qëllim zbardhjen dhe dokumentin e plotë të rrethanave të ngjarjes.
