Policia e Durrësit ka arrestuar dy vëllezër, të cilët akuzohen për pengmarrje.
Mësohet se në pranga kanë rënë Aleksandër dhe Lulash Gecaj. Ata kanë marrë peng një 44-vjeçar dhe e çuan me makinë në zonën e Kënetës, ku dhe e kanë kërcënuar.
Sipas Policisë, B. Sh., u mor penga nga dy vllezërit të moshave 25 dhe 29 vjeç për motive të dobëta.
“Morën në makinë pa dëshirën e tij një 44-vjeçar dhe e kërcënuan për motive të dobëta, Policia kapi dhe vuri në pranga dy vëllezërit. Specialistët për Hetimin e Krimit të Stacionit të Policisë Plazh, pas kallëzimit të marrë nga shtetasi B. Sh., 44 vjeç, banues në lagjen nr. 13 Durrës, se ishte marrë pa dëshirën e tij në makinë nga dy vëllezër të cilët e kishin çuar në zonën e Kënetës dhe e kishin kërcënuar për motive të dobta, menjëherë kanë organizuar punën për kapjen e autorëve.
Si rezultat i veprimeve të shpejta, shërbimet e Policisë lokalizuan, kapën dhe shoqëruan në Stacionin e Policisë Palzh, Durrës dy vëllezërit e dyshuar. Në përfundim të veprimeve të para hetimore u bë arrestimi në flagrancë i shtetasve: A. G., 25 vjeç, dhe L. G,. 29 vjeç,(vëllezër), banues në Durrës. Në cilësinë e provës materiale u sekuestruan automjeti dhe tre aparate cellular”, thotë Policia për rastin.
