Denis Gjeta 30 vjeç dhe Marius Çeça 31 vjeç, banues në Tiranë, janë viktimat e aksidentit që ndodhi në orët e para të këtij mëngjesi pranë Rubikut.
Dy të rinjtë kanë qenë duke udhëtuar në mjetin e drejtuar nga 35-vjeçari me inicialet M.B., ndërsa rreth orës 02:30, mjeti ka dalë nga rruga në aksin Milot – Tuneli Kalimashit, duke u përplasur me mbrojtëset metalike anësore të rrugës.
“Rreth orës 02:30, në aksin rrugor “Milot – Tuneli Kalimashit”, në vendin e quajtur “Vu Shkjeze”, Rrubik, ka ndodhur një aksident automobilistik.
Shtetasi M.B. duke udhëtuar në këtë aks rrugor me automjet, ka humbur kontrollin mbi drejtimin e tij, ku mjeti është përplasur me mbrojtëset metalike anësore të rrugës.
Për pasojë kanë humbur jetën dy pasagjerët që ndodheshin në mjet, konkretisht shtetasit M.Ç. 31 vjeç, dhe D.Gj. 30 vjeç, banues në Tiranë, ndërsa drejtuesi i mjetit shtetasi M.B. 35 vjeç, ndodhet në Spitalin e Traumes Tiranë, nën kujdesin e mjekëve.
Grupi hetimor vazhdon punën për sqarimin e plotë të rrethanave të aksidentit”, njoftoi policia./Opinion.al
