Ish-kryeministri Sali Berisha ka denoncuar me emra personazhet që mund të kenë kërcënuar kryeprokurorin e Shqipërisë, Adriatik Llalla.
Nëpërmjet një shënimi në profilin e tij në facebook, Berisha shkruan se vetëm leitnantët e Al Kapones shqiptare mund të kërcënojnë Llallën.
Ja çfarë shkruan ish-kryeministri Sali Berisha:
Kërcënimi i Prokurorit të Përgjithshëm është vepër e lejtnantve të Al Kapones!
“Mediat njoftojnë se Prokurori i Përgjithshëm i vendit është kërcënuar nga bajlozë të krimit, të burgosur, të dënuar apo që presin të dënohen, por që vizitohen pothuaj çdo ditë nga ministra deputetë, neobllokmenë dhe trafikantë në qelitë e tyre.
Hetimi, urojmë të gjejë sa më parë autorin e këtij akti të rëndë dhe të pashembullt dhe ta vendosë para ligjit.
Duke dënuar me ashpërsinë më të madhe këtë akt kriminal, dëshmi e pasigurisë ekstreme në këtë vend dhe revanshit kulmor të krimit të lidhur me qeverinë, shpreh solidaritetin tim të thellë me Prokurorin e Përgjithshëm dhe institucionin që ai drejton në luftën kundër krimit si dhe bindjen më të thellë se prapa falangave te krimit qe kane kryer kete akt te pashembullt, qendron mbeshtjetja direkte e kreut te meduzes te krimit te organizuar apo Al Kapones në krye të qeverisë.
Vetëm lejtnantët e tij, pra bajlozët e krimit të veshur me pushtetin kryeministror si Dritan Dajti apo Mili ose Mali i partisë, Genti i Olsit dhe Hakmarrjes, mund të ndërmarrin vet apo me porosi të tij, kërcënimin me jetë të kreut të akuzës së shtetit.
Ky akt tregon se cila është sot në Shqipëri, shkalla e pasigurisë për qytetarin e thjeshtë shqiptar! Por mbi te gjitha ky akt është një këmbanë alarmi, një thirrje për çdo qytetar të këtij vendi që të ngrihet në lartësinë e guximit kundër organizatës kriminale më të rrezikshme në Europe, qeverisë së Al Kapones!sb
