16 persona janë lënë në burg nga Gjykata Penale në kuadër të opeacionit “Forca e fatit” që policia ndërmori mbrëmjen e 20 shkurtit.
Ky operacion u krye për goditjen e organizimit të paligjshëm të lojrave të fatit. Kreu i Policisë, Ardi Veliu njoftoi se ai u zhvillua në të njëjtën kohë në disa qarqe të vendit përkatësisht në Tiranë, Durrës, Elbasan, Fier, Berat, Korçë, Lezhë dhe Shkodër. Si rezultat u vunë në pranga 115 persona, 2 u shpallën në kërkim dhe 24 u proceduan në gjendje të lirë.
Sot Gjykata Penale i ka komunikuar disa prej personave të ndaluar masën e sigurisë.
Gjykata vlerësoi si të ligjshëm arrestimin e disa prej tyre dhe vendosi të lërë në burg: Erjon Muja, Axhildo Kashari, Igli Oboni, Taulant Preçi, Erjon Kreka, Igli Spaholli, Dritan Dema, Mario Ylli, Ilirjan Mustafa, Ali Çaushi, Klajdi Kuqo, Kostandin Delilaj, Enes Saliaj, Elvis Brahimi, Melazim Hykaj dhe Romir Hamitaj
Në arrest shtëpie janë lënë Klajdi Toska, Endri Osmanaj, Redinel Hamolli, Adi Murra dhe Samuel Buziu
Gjykata vendosi masën detyrim paraqitje për Isuf Taton, Denis Hyskon, Krejstjano Jaiçarin, Arjan Tasellarin, Drini Goran, Ledion Aliçkën, Klevis Dedjan, Edrian Myftarin dhe Julian Kasajn
Gjatë operacionit policia sekuestroi gjithashtu 172 milion lekë të vjetra, 40 kompjuterë, 60 DVR, 245 aparate celular, një numër i konsiderueshëm televizor plazma, blloqe shënimesh që shërbejnë për vendosjen e basteve, kasa fiskale, një armë zjarri pistoletë.
84 të arrestuar të tjerë në kuadër të operacionit për ndalimin e lojërave të fatit do të dalin nesër para gjykatës, për t’u njohur me masat e sigurisë./Opinion.al
