Dy persona u arrestuan nga policia e Tiranës, pasi u kapën mat me armë pa leje. Policia njofton se ka prangosur një polic burgjesh dhe një të dënuar për rrëmbim personi, pasi udhëtonin bashkë në një automjet dhe kishin armë pa leje.
Te arrestuar janë shtetasin Gentian Muçaj, 36 vjeç, banues në Tepelenë, i dënuar më parë për rrëmbim personi dhe Mirald Meça, 28 vjeç, banues në Tepelenë, me profesion Punonjës Policie pranë I.E.V.P. Tepelenë.
“Shtetasit e sipër përmendur janë konstatuar në aksin rrugorë Vorë -Rinas, në automjetin tip “Audi”, ku nga kontrolli i ushtruar në automjet janë gjetur dhe sekuestruar në cilësinë e provës materiale: – Një armë zjarri pistolet TT, me 7 fishekë – Një armë zjarri pistolet Grand Power, me 15 fishekë”- njofton policia.
Materialet proceduriale i’u kaluan Prokurorisë pranë Gjykatës së rrethit Gjyqësor Tiranë, për veprën penale “Prodhim dhe mbajtje pa leje e armëve luftarake dhe municionit”, parashikuar nga Neni 278 i Kodit Penal.
