Kriza e emigrantëve duket se po lëkund nga themelet Bashkimin Europian, teksa kryeministri Italian
Matteo Renzi vazhdon me kritikat në shkrimin e radhës me titull “Dy fytyrat e Europës”.
Matteo Renzi thekson se Europa ka zbritur misionin e saj hapësinor në planetin Mars, por nga ana tjetër ka humbur përballë menaxhimit të krizës së emigratëve.
“Ndërsa Europa ka shkuar në Mars, ne nuk duhet të harrojmë se çfarë po ndodh çdo ditë në pjesë të ndryshme të kontinentit, nga Calais, Francë, në Idomeni, Greqi.
Ne duam një reagim të unifikuar të Europës, dhe jo ngritje të mureve”, deklaron Renzi.
