-U tha në Opinion

Elvis Naçi: Turp të flasim vidhen apo jo donacionet


               Publikuar në : 22:30 - 10/12/19 |
Geljano Fataj

Imami Elvis Naci dhe Arbër Hajdari gjatë emisionit Opinion kanë treguar se sa ndihma kanë mbledhur me fondacionet që ata drejtojnë. Të dy theksuan se paratë që janë dhuruar do të menazhohen nga vetë fondacionet dhe do t’i bëhen transparente Komitetit Kombëtar të Rindërtimit.
Ndër të tjera Imami theksoi se është turp të bisedohet nëse vidhen apo jo ndihmat dhe pas këtij tërmeti duhet të tregojmë një standard që i ka hije shqiptarit.
***
Blendi Fevziu: Ju keni thënë që reagimi ka qenë i menjëhershëm.

Evis Naçi: I jashtëzakonshëm. Me lot në sy i kanë dhënë shqiptarët lekët e tyre. Me lot ndër sy.

Blendi Fevziu: Do t’iu pyes se ju keni premtuar që në fillim që do të ndërtoni disa pallate në Thumanë. Do shohim se si është mundësia, ku do shkojnë. Kam përshtypjen që qeveria do të kërkojë t’i derdhni ca lekë.

Evis Naçi: Nuk është këtu problemi. Lekët, në veçanti unë dhe Arbri kemi thënë që transparenca do të jetë totale, por lekët do t’i menaxhojmë ne. Besoj se kemi rënë dakord. Transparenca duhet të jetë totale. Blendi ka një rrugë të mesme. Ne menaxhojmë lekët dhe transparencën ia komunikojmë Komitetit. Më fal se e bëmë dhe pak debat para se të filloni. Është turp të bëjmë sot në 2019, do vidhen apo nuk do vidhen. Të tjerët nuk kanë shtëpi Blendi, i ka zënë tërmeti, shqiptaria është në fobi.

Blendi Fevziu: Skepticizmi për ndihma ekziston gjithmonë.

Evis Naçi: Duhet ta kalojmë këtë turp. Tjetri ka donatuar 300 mijë franga, kur dëgjon këtë bisedë që do i vjedhim ne është turp.

Blendi Fevziu: Është katastrofë dhe atij i duket sikur i ka ikur mundi kot.

Evis Naçi: Prandaj them që nuk duhet biseduar fare për këtë. Duhet të jemi të përgjegjshëm që pas këtij të tërmeti të tregojmë standard që i ka hije shqiptarit.

Blendi Fevziu: Shpresojmë ta tregojmë.

Elvis Naçi: Edhe ju me “Opinionin” mund të tregoni seanca transparenca këtu. Unë bashkë me ty jemi të vendosur që do i shkojmë deri në fund./ Opinion.al

Pas