Njeriu më i pasur në botë, Elon Musk, ka mbyllur marrëveshjen për blerjen e Twitter për shumën prej 44 miliardë dollarësh (38.1 miliardë paund).
Ai shkroi në Twitter “zogu është liruar”, në një referencë e dukshme për mbylljen e marrëveshjes.
Një numër drejtuesish të lartë, duke përfshirë shefin, Parag Agrawal, thuhet se janë shkarkuar.
Twitter nuk e ka konfirmuar ende blerjen, por një investitor i hershëm në kompani i tha BBC-së se marrëveshja ishte përfunduar.
Musk ka qenë kritik ndaj politikave të Twitter dhe ky lajm padyshim që do të sjellë reagime nga përdoruesit dhe punonjësit e këtij rrjeti social. Shumë njerëz në të djathtën e politikës amerikane do të festojnë largimin e Agraëal si shef ekzekutiv. Ata i shohin njerëzit si Agrawal dhe paraardhësin e tij, Jack Dorsey, si liberalë që po kufizojnë lirinë e fjalës. Ata gjithashtu mendojnë se nën drejtimin e tyre, Tëitter ka censuruar zërat konservatorë, një akuzë që Twitter e mohon.
Sipas raporteve të mediave amerikane, shefi financiar Ned Segal dhe drejtuesi më i lartë ligjor dhe politik i firmës, Vijaya Gadde nuk janë më pjesë e kompanisë. Bashkëthemeluesi i Twitter, Biz Stone falënderoi Agrawal, Segal dhe Gadde për “kontributin e tyre kolektiv” në biznes.
Ndërkohë, Bret Taylor, i cili kishte shërbyer si kryetar i Twitter që nga Nëntori i kaluar, përditësoi profilin e tij në LinkedIn për të treguar se ai nuk ishte më në krye të Twitter.
Përpara se të përmbyllte marrëveshjen e blerjes së kompanisë Twitter në vlerë prej 44 miliardë dollarësh, Musk shkoi në selinë e Twitterit të mërkurën duke mbajtur në duar një lavaman porcelani. Siç thuhet, kjo vizitë kishte për qëllim që të qetësonte punëtorët lidhur me shkurtimet në këtë kompani dhe për të siguruar ata se kritikat e tij në të kaluarën për kompaninë, nuk do ta dëmtojnë atë.
