Policia e Elbasanit ka dhënë informacion zyrtar lidhur me aksidentin e ndodhur mbrëmjen e sotme në aksin rrugor Elbasan-Metalurgjik, ku një person humbi jetën.
Sipas autoriteteve, shtetasi K. R., 27 vjeç, banues në Elbasan, duke drejtuar automjetin tip “Benz”,ka aksidentuar shtetasin G. F., 41 vjeç, banues në Elbasan, këmbësor.
Si pasojë e përplasjes së fortë G. F., ka ndërruar jetë, gjatë transportimit me ambulancë për në spital. Drejtuesi i automjetit është shoqëruar në Komisariatin e Policisë për veprime të mëtejshme.
Grupi hetimor nën drejtimin e Prokurorisë ndodhet në vendngjarje dhe po vijon veprimet për zbardhjen e plotë të rrethanave të aksidentit.
KOMENTO (0)
