Një shqiptar u ekzekutua me armë zjarri pasditen e 18 gushtit në Athinë, Greqi.
Sipas asaj që shkruan Protothema, viktima është Artur Bashimi, alias Turabi, 47 vjeç.
Ai u gjet i vrarë me një plumb në kokë, pak para orës 18:00 (me orën lokale), në zonën e Agios Panteleimonas.
47-vjeçari rezulton person me precedentë të shumtë penalë. Gjithnjë sipas Protothema, në vitin 2022 ai ishte arrestuar për pjesëmarrje në një organizatë kriminale, e cila grabiste pasagjerët në transportin publik.
Forca të shumta policie rrethuan zonën ku u gjet i vrarë shqiptari dhe hetuesit kanë nisur punën për të zbardhur rrethanat dhe shkaqet e këtij ekzekutimi.
Dyshimet e para janë se vrasja e Bashimit lidhet me të shkuarën e tij kriminale./tvklan
