Jetnor Toro që kishte ndryshuar emrin në Refit u ekzekutua mbrëmë në Vlorë. Pista e parë e policisë është ajo e një vrasje për pazaret e prishura të drogës.
32- vjeçari ka qenë duke parkuar foristradën’Mitsubishi’ me targë AA 606 LD kur dy persona ende të paidentifikuar kanë qëlluar në drejtim të tij. Jetnor Toro u dërgua me urgjencë drejt spitalit, por nuk mundi t’i mbijetojë plagëve të marra dhe ndërroi jetë.
Ngjarja ka ndodhur rreth orës 17:57, në vendin e quajtur “Ish-Parku i Tregëtisë”, ose siç njihet nga banorët zona e ‘Skelës’. Autorët pasi kanë kryer krimin janë larguar me shpejtësi me një automjet, për të cilin po punohet për zbulimin e tij.
Viktima njihet si person me precedentë kriminal. Vlonjati kishte pak kohë që ishte kthyer në Shqipëri nga Italia. Policia dyshon se ai ishte e një grupi narko-trafiku. Toro kishte precedent edhe në Itali, ku ka qenë i dënuar me 4 vite burg për një seri vjedhjesh.
* Makina ku udhëtonte viktima
