Një 31-vjeçare e identifikuar si Etleva Kurti është vrarë mesditën e sotme në Kamzë.
Sipas informacioneve, e reja u qëllua me armë teksa qëndronte në oborrin e banesës së saj.
Raportohet se një person ka dalë nga një makinë dhe ka qëlluar me armë zjarri në drejtim të 31-vjeçares, e më pas është larguar me ndihmën e shoferit që e priste. Autori ka shtënë tre herë drejt Kurtit. Ndërkaq, edhe pse është transportuar drejt spitalit të Traumës, ajo nuk ka mundur t’iu mbijetojë plagëve të marra. 31-vjeçarja jetonte së bashku me nënën e saj.
Ndërkaq, mësohet se Etleva Kurti është motra e Vladimir Kurtit, i dënuar me burgim të përjetshëm për vrasjen e Agim Bucit.
Kjo ngjarje ka qenë e dyshuar fillimisht se erdhi si pasojë e një tentative grabitjeje, ndërsa në nëntor të vitit të kaluar njëri prej të dënuarve deklaroi se mori para për të kryer vrasjen.
