Një shtetas shqiptar i arrestuar në Athinë në vitin 2019, është ekstraduar në Shqipëri, ku ishte dënuar për një vrasje të kryer në vitin 2004. Ngjarja kishte ndodhur në fshatin Kallm i Madh, Fier, ku 47-vjeçari Petrit Buzi në bashkëpunim me tre shtetas te tjerë, ka vrarë shtetasin N. H.
Buzi është arrestuar nga autoritetet policore në Athinë, në mars 2019, me qëllim ekstradimin drejt Shqipërisë, në zbatim të urdhër-arrestit ndërkombëtar të nxjerrë nga Zyra Qendrore Kombëtare Interpol Tirana, pasi Gjykata e Rrethit Gjyqësor Fier, në vitin 2005, e ka dënuar këtë shtetas me 16 vjet burgim, për veprën penale “Vrasja me paramendim, e kryer në bashkëpunim”./Opinion.al
