Interpol Tirana ka ekstraduar nga Franca, drejt vendit tonë, një shtetas shqiptar, 48-vjeçar, i lindur në Pukë.
Ai ishte shpallur në kërkim ndërkombëtar nga Interpol Tirana, pasi Gjykata e Apelit Shkodër e ka dënuar me 1 vit burgim, për veprën penale “Dhuna në familje”.
“Gjithashtu u ekstradua nga Parisi shtetasi shqiptar Xh. K. alias Xh. K. pasi Gjykata e Apelit Shkodër e ka dënuar me 1 vit burgim, për veprën penale “Dhuna në familje”. Ky shtetas, pas disa konflikteve me bashkëshorten e tij, e ka marrë atë në telefon dhe e ka kanosur me jetë, në prani të fëmijëve të saj të mitur”,-thuhet në njoftim.
Si rezultat i bashkëpunimit të Drejtorisë së Interpol Tirana me Interpol Paris, Francë, u bë i mundur arrestimi i tij në Francë, duke u finalizuar me ekstradimin drejt vendit tonë.
