Një pako e dyshimtë është gjetur poshtë automjetit të administratorit të klubit të futbollit të Vllaznisë, Suad Lici.
Makina e tij tip “Benz” ishte e parkuar në lagjen “Ahmet Haxhija” në Shkodër.
Sipas njoftimit të policisë, sot rreth orës 8:56 ka qenë vetë 46-vjeçari i cili ka lajmëruar policinë pasi ka konstatuar poshtë mjetit të tij një pako të mbështjellë me natriban ku dyshohet se mund të ketë lëndë plasëse.
Ekipet xheniere konfirmuan se brenda pakos së dyshimtë kishte lëndë plasëse, e cila tashmë është dërguar në laborator për ekzaminim.
Administratori i Vllaznise Suad Lici disa herë ka patur kërcënime për punën e tij si administrator i Vllaznisë por asnjëherë nuk ka bere denoncime.
Më përpara trajnerë apo drejtues të Vllaznisë janë kërcënuar me armë në fusha stërvitore si rasti i ish trajnerit Agim Canaj, Armando Cungu dhe të tjerë. /Opinion.al
