Kryesore

Ekskluzive/ Zbulohen pikturat e Edi Ramës kur ka qenë femijë


               Publikuar në : 19:15 - 14/02/20 |
Al Do

Automjete, anëtarët e familjes dhe përdorimi i shumë ngjyrave. Këto janë disa karakteristika që i shoqërojnë vizatimet e mëposhtme.

Ato janë vizatime të kryeministrit Edi Rama kur ka qenë fëmijë dhe janë bërë publike ekskluzivisht për Opinon.al nga koleksionisti Eros Hoxha.

Kryeministri Rama është diplomuar në Akademinë e Arteve, dega pikturë, në mesin e viteve 80’, po pasioni i tij për pikturën ka nisur që i vogël. Vizatimet e mëposhtme datojnë në mesin e viteve 70’.

Ajo që bie në sy është se kryeministrit i ka pëlqyer të vizatojë makina duke i vënë dhe targat, megjithatë siç ka thënë dhe ai vetë, makinat nuk janë pasioni i tij dhe madje ai as nuk e nget makinën. Vizatimet duket se nuk janë të frymëzuara thjeshtë nga fantazia por nga ngjarje të cilat Rama fëmijë i ka parë pasi siç shihet në disa prej tyre janë vizatuar makina në kantierë ndërtimi.

Një tjetër aspekt që bie në sy nga vizatimet është përdorimi i emrave të pjesëtarëve të familjes. Në njërin nga vizatimet madje Rama e quan pjesën e kuzhinës së shtëpisë “kuzhina e shokut Kristaq” i cili është babai i kryeministrit.

Vizatimet janë shumëngjyrshe dhe në to nuk është përdorur ngjyrosja me laps por me penel. Kujtojmë se përdorimi i ngjyrave e ka shoqëruar kryeministrin Rama edhe në politikë. Kur ishte kryebashkiak i Tiranës ai vendosi që fasadat e disa pallateve të ngjyroseshin. Me tu bërë kryeministër Rama riformatoi zyrën e tij në kryeministri dhe shpalli projektin e rilindjes urbane në të gjithë Shqipërinë, pjesë e të cili ishte dhe lyerja e fasadave të pallateve, /Opinion.al

Pas