Shqipëria nuk merr pjesë vetëm në “Euro 2016”, por edhe në Kampionatin Europian të Gjeologjisë.
Instituti Gjeologjik i Austrisë ka organizuar Kampionatin Europian të Gjeologjisë.
Mësohet se të gjitha institutet e gjeologjisë pjesëmarrëse në Europian kanë çuar masa shkëmbore nga vendet e tyre, me të cilat janë realizuar topa futbolli të lyera me ngjyrat e ekipit përkatës.
Në këtë kampionat ka marrë pjesë edhe Shqipëria, raporton Opinion.al.
Instituti ynë i Gjeologjisë, ka dërguar një masë shkëmbore të marrë nga rajoni i Përmetit.
Kujtim Unuzi i Institutit të Gjeoshkencave, Energjisë, Ujit dhe Mjedisit ka dërguar një provë shkëmbore në shërbimin gjeologjik të Austrisë, ku dhe janë përgatitur topat e futbollit me lloje shkëmbore nga secili vend pjesëmarrës në Kampionatin Europian.
Përgatitja e sferave është realizuar nga Ing.gjeologe Heinrich./ Opinion.al/
