Maia Mari, një soprano gjeorgjiane, e cila jeton dhe punon me bashkëshortin e saj shqiptar në Ankara, ka rrëfyer për Opinion.al, minutat e ferrit që kanë përjetuar në mbrëmje, kur kryeqyteti turk u godit nga dy shpërthime të forta që shkaktuan vdekjen e 21 personave dhe plagosjen e 61 të tjerëve. Shtëpia e saj ndodhet rreth 20 minuta me makinë nga vendi i shpërthimit, por eksplozioni ka qenë aq i fuqishëm sa ka tundur edhe themelet e lagjes ku ajo jeton me familjen e saj.
“Jemi shumë të trembur. Shtëpia jonë pësoi një lëkundje të fortë. Dy bomba shpërthyen. Unë isha jashtë me nxënësit e mi, më pas u ktheva në shtëpi, por me shumë vështirësi”, thotë sopranoja Maia Mari.
E pyetur se si është situata tani në Ankara, ajo shton se frika vazhdon të jetë e madhe, pasi thuhet se në qytet ka bomba të tjera të cilat janë fshehur.
“Këtu gjithcka është në errësirë të plotë. Televizionet pothuaj nuk japin asnjë informacion se cfarë ka ndodhur. Jemi në një situatë emergjente, ku askush nuk na thotë se si duhet të veprojmë”./ Opinion.al Dritan Laci
