Sport

Ekskluzive Opinion.al / Alban Meha rrefen gjithe sekretet e tij


Bëhu pjesë e Grupit Zyrtar të Opinion.al
>> KËTU <<
               Publikuar në : 12:00 - 23/11/15 |
b.f

Alban Meha nuk njeh kundërshtar në goditjet e tij prej një snajperi të vërtetë. E bëri edhe sot në ndeshjen ndaj Eskisehirspor, kur në minutën e 88 me një gjuajtje fantastike i dha fitoren 3-2 ekipit të tij Konyaspor i cili gjendej në disaavantazh deri në minutën e 66-të. Në një bisedë për Opinion.al vetëm pak minuta pas ndeshjes Alban Meha është shprehur shumë i lumtur për golin dhe për faktin që ky gol shërbeu për ti dhënë fitoren ekipit.

Bisedoi Dritan Laci

Alban cili është komenti juaj i parë pas shënimit të golit?

Jam i lumtur që fituam lojën 3:2 dhe sigurisht 3 pikët

Por më i lumtur jeni që ja dhatë ju fitoren Konyasporit dhe sërish me një supergol?

Po normalisht që jam i gëzuar për golin por edhe për asistin

Alban cili është sekreti i golave tuaj nga jashtë zone?

Sekreti është Snajper Meha. Kur Snajperi godet ai vret.

E mbani mend golin e parë që keni bërë nga jashtë zone në karrierën tuaj si profesionist dhe sa gola keni mundur të shenoni deri tani nga gjuajtjet jashtë zone?

Jo nuk e mbaj mend se kam pasur shumë gola jashtë zones. Unë në çdo ndeshje futem në lojë për të fituar dhe për të shënuar gola.

Ju përgëzoi presidenti pas ndeshjes dhe çfarë ju tha?

Me tha që tani kanë frike të vijnë ekipet e mëdha nga Stambolli hahaha. Bëj shaka. Sigurisht më uroi për golin e bukur.

Alban cili është plani yt deri në fund të sezonit. Sa gola ke ndërmend të besh deri në fund të sezonit me gjuajtje jashtë zone?
Plani im është të thyej rekordin në Turqi me 6 gola nga goditjet jashte zone.

Kush e mban këtë rekord? Dhe sa gola keni bërë ju deri tani në Turqi?

Nuk e di kush e mban. Vetëm e di se me kismet edhe pak do ta mbajë një shqiptar. Për momentin kam 12 ndeshje 4 gola dhe 5 asiste.

Bëni ju stervitje speciale për gjuajtjet jashtë zone dhe sa kohë shpenzoni në stervitje për këto lloj goditjesh standarde?

Nuk është se bej stërvitje speciale. Pasi këtë unë e kam në gjak. Po normalisht që në çdo stërvitje marr kohë 30 minuta për të tilla goditje.

Alban të uroj suksese. Nëse kë një mesazh në fund për sportdashësit në Shqipëri?

Po ju dua shumë. Oh sa mirë me qen Shqiptar ohejjjjjj…

 

KOMENTO (0)

Shkruaj nje koment

    Pas