Kryetarja e Bashkisë Roskovec, Majlinda Bufi, në një prononcim për Opinion.al pasi ka konfirmuar humbjen e jetës së shtetasit Erjon Toro, nga fshati Kurjan i Roskovecit. Krybashkiakja ka informuar se Erjon Toro, i biri i Masarit, ka humbur jetën mëngjesin e sotëm. Ndërkohë që në bisedën telefonike me Opinion ka dhënë detaje të për gjendjen e pjesës tjetër të familjes.
“Unë sapo u interesova. E mësova nga mediat rastin e humbjes së jetës së Erjonit. Nga biseda që bëra me babain më informoi se e shoqja e Erjonit ka dëmtime të rënda në zonën e legenit. Vajza ka pësuar po kështu dëme në pjesën e kokës. Ndërkohë që i vetmi i shpëtuar është djali i vogël. i cili mësohet se nuk ishte në shtëpi në momentin e tragjedisë”. Po kështu kryetarja e Bashkisë Roskovec ka theksuar se gjendja në familjen e prindërve të Erjonit (33 vjeç) është traumatike dhe ka qenë e vështirë për tu shkëputur një informacion më të detajuar mbi ngjarjen, ndërkohë që u ka shprehur ngushëllimet më të sinqerta të afërmëve mbi humbjen e njeriu tyre të dashur./ Dritan Laci Opinion.al
