Në të përditshmet shqiptare ka qarkulluar në ditët e sotme një shkrim që aludon se modelja dhe ish-missi Adrola Dushi është në prag të ndarjes nga bashkëshorti i saj, Adis Patushi, e për këtë arsye është larguar në SHBA.
E kontaktuar nga gazeta Express modelja, e cila aktualisht ndodhet në Amerikë, i ka mohuar këto zëra duke theksuar se diçka e tillë nuk është e vërtetë. “Aktualisht ndodhem në Amerikë. Adisit thjesht nuk i kanë dalë akoma dokumentet për t’u bashkuar me mua dhe djalin, por asgjë nuk është e vërtetë, nuk jemi ndarë,”-shprehet Dushi për gazetën Express. Çifti i lidhur në martesë disa vite më parë kanë së bashku një djalë.
