Të papërmbajtshme si “cheerleader” (nxitëset amerikane të tifozëve), por “të nxehta” si argjentinase. Këto janë, ose më mirë ishin, “Boquitas”. Skuadra e balerinave, që shoqëron ndeshjet në shtëpi të klubit argjentinas që nga 1998 para fillim të sfidave dhe gjatë pushimit mes dy pjesëve, është shkarkuar.
Në fillim është menduar të transferohet te ndeshjet e basketbollit dhe të klubit të futsal, por tani është vendosur që t’i jepet fund njëherë e përgjithmonë. Pse një trup vallëzimi kaq e vlerësuar është shkarkuar? Boca ka shpjeguar se e ka marrë këtë vendim në kuadër të një fushate sensibilizimi kundër tregtimit të trupit të femrave.
Por rezultati i këtij është pak paradoksal, duke parë se një numër i madh balerinash të reja kanë humbur punën papritur dhe pa asnjë paralajmërim. Ndërkohë, vajzat kanë marrë një mbështetje të madhe nga njerëzit nëpër rrjetet sociale, ato ndiheshin pikërisht si futbollistët, një pjesë e rëndësishme e historisë në një prej institucioneve sportive më të famshme në botë, që i ka shkarkuar pa u menduar dy herë.
