Maria Ivleva ishte ulur në ndenjësen 31/a, ku edhe dyshohet se ishte vendosur bomba që rrëzoi dy javë më parë avionin rus që fluturonte mbi qiellin e Sinait në Egjipt. Hetuesit thonë se Maria Ivleva dyshohet të jetë viktima e parë e tragjedisë.
15-vjeçarja ka qenë e ulur në ndenjësen ku ishte vendosur bomba që rrëzoi avionin rus në Sinai, para se të shpërthente. Po sipas të njëjtit raport, dyshime ka edhe për ndenjësen pranë, atë me numër 30/a, ku ishte ulur 77 vjeçarja, Nadezhda Bashakova.
Hetuesit thonë se, e moshuara dhe vajza 15-vjeçare janë viktimat e para, së bashku me personat që ndodheshin në ndenjëset e tjera aty pranë.
Këto zbulime u bënë falë analizave kimike dhe testeve të tjera në mbetjet e avionit “A321 Airbus”, ku humbën jetën të paktën 224 persona.
