Policia e Tiranës ka dhënë informacion zyrtar lidhur me plagosjen e një efektivi policie të Forcës së Posaçme “Shqiponja” në rrugën “Hysen Xhura” të lagjes “Kinostudio.
Mësohet se efektivi Edlir Alleshi ka qenë në ndjekje të një personi për të cilin kishte informacione se lëvizte me armë zjarri.
Gjatë ndjekjes, personi i armatosur ka hapur zjarr në drejtim të Forcave “Shqiponja”, dhe si pasojë është plagosur një prej efektivëve, inspektor i cili është dërguar menjëherë në spital për ndihmë mjekësore.
Në ndjekje të personit të armatosur janë venë shërbimet e tjera të Forcave “Shqiponja”, Patrullat e Përgjithshme, dhe Njësitë Speciale Operacionale, janë bllokuar hyrje-daljet e të gjitha rrugëve, dhe vijon kontrolli për kapjen e personit të armatosur.
