Kryeministri Edi Rama ka reaguar pas takimeve të shumta që kreu i shtetit ka bërë këtë të enjte përsituatën politike në vend, ndërsa ai vetë refuzoi të merrte pjesë në takim me pretendimin se ishte i zënë në fushatë.
Sipas Ramës, të gjithë duhet të qeshin me presidentin dhe me opozitën, ndërsa rithekson se zgjedhjet e së dielës do të mbahen.
- “Zyrtare sot: Selia e opozitës rrugore është Presidenca e Republikës dhe udhëheqësi i katër galaktikëve të shtabit të revolucionit imagjinar për të mbrojtur me dhunë republikën e votën e popullit nga vetë populli, është vetë ai, Salvator Haxhi Qametaj. Çfarë karnevalesh politike” (EDI RAMA)
- “Qeshni me ta dhe me qetësi e dashuri t’u japim një mesazh kumbues të dielën,duke votuar ose mosvotuar, por duke qenë të gjithë bashkë në një mendje se Shqipëria s’mund të jetë kurrë, një shesh për përsheshin e gatuar tërë këta muaj, të cilin duhet ta hanë ata që na e servirën” (EDI RAMA)
Ishte kreu i LZHK-së, Dashamir Shehi ai që pas takimit me Ilir Metën, tha se se presidenti pritet të dekretojë një datë të re për zgjedhjet lokale, duke qenë se nuk e njeh më 30 qershorin.
TAKIMET E ZHVILLUARA SOT NGA META
I pari që mbërriti në Presidencë ishte Ilir Meta. Ora shënonte 5:00 e mëngjesit. Pak orë më vonë eskorta e kryeministrit Edi Rama do të kalonte pranë Presidencës, jo për takim me Ilir Metën, por për të çuar shefin e qeverisë për të kaluar disa momente çlodhjeje në një pishinë pranë një qendre sportive.
Në orën 9:00 në presidencë do të mbërrinte kreu i PD-së, Lulzim Basha. Rreth 25 minuta zgjati takimi Meta- Basha, e më pas Presidenti do të njoftonte në facebook, se kërkohet përgjegjshmëri dhe sjellje europiane nga të gjithë.
Më pas radhën e kishte Petrit Vasili nga LSI. Edhe në këtë rast mesazhi që shpërndau kreu i shtetit ishte i njëtjë. Në Presidencë u të futej edhe pa zonja Jutta Gutzkoë përfaqësuese e Këshillit të Europës, i cili një ditë më parë do të njoftonte anulimin e misionit vëzhgues për zgjedhjet.
Kryetarët e PR, LZHK, PDK, PBDNJ dhe PAA do ta kishin radhën për një takim me kreun e shtetit. Aleatët e PD-së kanë qenë të parët që kanë kërkuar shtyrjen e zgjedhjeve lokale, edhe përpara se presidenti të nxirrte dekretin për shfuqizimin e 30 qershorit.
Dhe të fundit ishin ambasadori i BE-së Luigi Soreca, ambasadori britanik, ambasadori francez dhe ambasadorja gjermane. / Opinion.al
