Vazhdon jehona për miratimin e ligjit të Arsimit të Lartë nga Kuvendi mbrëmë në mesnatë pas një seance maratonë. Përmes një statusi të shkurtër në Facebook, kryeministri Rama shkruan:
“1 pyetje per genjeshtaret: Sot u vendosen +20.211 kuota pranimi në universitete dhe tarifat e studimit s’rriten asnje qindarke! Pse genjeni?!”- pyet kryeministri.
Më herët gjatë ditës, kreu i qeverisë e ka mbrojtur këtë ligj, i cili sipas tij mishëron reformat revolucionarizuese të sistemin e lartë, raporton Lapsi.al
“Produkti është shumë i mirë. Ëshë për të ardhur keq kundërshtia që bëhet në emër të të varfërve duke spekuluar në mënyrën më të padenjë dhe gënjyer në mënyrën më të paprapueshme. Ligji garanton konkurencë vlerësim të meritës dhe asnjë i ri apo e re që ka dëshirë të ndjekë universitetin dhe e meriton të ndjekë universitetin të mos pengohet nga varfëria në familje”- ka thënë Rama.
Në votimit e ligjit mbrëmë, opozita braktisi sallën. Ky ligj shumë i debatuar, mori 78 vota pro./Lapsi.al/
