Nënkryetari i LSI-së, Petrit Vasili, deklaroi se miratimi i njëanshëm i reformës në drejtësi do të ngrinte pikëpyetje mbi legjitimitetin e sja. Vasili foli për mungesë koherence nga faktorë vendas dhe të huaj, ndërsa i kërkoi Brukselit garanci për hapjen e negociatave nëse politika shqiptare do të miratonte në mënyrë të njëanshme reformën në drejtësi.
LSI doli hapur në krah të PD-së përsa i përket reformës në drejtësi. Nga selia e partisë, n/kryetari Petrit Vasili pohoi se miratimi i draftit pa opozitën ngren pikëpyetje mbi vetë legjitimitetin e reformës.
Për hërë të parë, LSI fajësoi edhe faktorin ndërkombëtarë duke e akuzuar për mungesë koherence.
N/kryetari i LSI-së duket se e ka me përfaqësuesen e BE-së në Tiranë, ambasadoren Vlahutin.
Për këtë, LSI këshilloi PD-në t’i drejtohet direkt Brukselit për interpretim të rekomandimit 88 të Komisionit të Venecias, ku palët nuk po arrijnë të gjejnë dakortësi.
Dhe nëse BE nuk gjen dot dakortësinë me demokratët, Petrit Vasili i kërkoi Brukselit që të japë garanci për hapjen e negociatave, si i vetmi rast për të cilin LSI do të miratonte në mënyrë të njëanshme reformën.
I pyetur mbi apelin e ish-ambasadorit amerikan Rajerson, i cili u ka bërë thirrje deputetëve të PD-së ta miratojnë reformën duke mos u bërë kukulla të udhëheqjes së tyre, Vasili i kërkoi atij në heshtë, nëse nuk kërkon dot ndjesë, për ato që LSI-së i konsideron si dëme të mëdha të shkaktuara prej ish-diplomatit amerikan në Shqipëri. /ABCNEWS
