Prokuroria e Tiranës ka thirrur gjyqtarin Admir Thanza, i cili u shkarkua nga KPK. Ai dyshohet se ka falsifikuar formularin duke mosdeklaruar se ka qenë i arrestuar dhe dënuar në Itali për vjedhje. Prokurori i cështjes është Gentjan Abazi.
Gjyqtari i Gjykatës së Lartë u shkarkua nga Komisioni i Pavarur të Kualifikimit në korrik të këtij viti.
Atij iu zbulua një dënim në Itali për vjedhje në supermarket. Dënimin, Thanza nuk e kishte deklaruar në formular, ndërsa përpara KPK-së ka deklaruar se aktin e kishte kryer kunata e tij, por ai e mori përsipër për nipin e sëmurë që po kurohej nga një sëmundje e rëndë në Itali.
Ka qenë asistenca e Operacionit Ndërkombëtar të Monitorimit ajo që ka ndihmuar në zbulimin e këtij dënimi të padeklaruar nga Thanza. DSIK (Drejtoria e Sigurimit të Informacionit të Klasifikuar), ka konkluduar se Thanza ka fshehur procedimin penal për korrupsion dhe se ka kontakte të papërshtatshme me krimin e organizuar.
