Nëna e 20-vjeçares nga Librazhdi, e cila u kap nga vjehërrit me të dashurin dhe videoja e saj e tradhëtisë u bë virale në rrjet ka thënë se të gjithë familjarët janë në gjendje shumë të rënduar psikologjike dhe nuk e ngrenë dot kokën lart.
Zonja u shpreh në një intervistë në “Top Channel” se nuk e kanë dhunuar vajzën pas publikimt të videos ndërsa theksoi se e reja ndodhet nën kujdesin e Shoqatës së të dhunuarve.
Më tej, nëna e vajzës deklaroi se personat që kanë nxjerrë videon duhet të përballen me ligjin dhe kërkoi ndihmë për tu shpërngulur nga vendi ku jetojnë.
“Jemi jashtë mase keq, jemi në depresion të gjithë. Nuk e ngremë dot kokën lart. Videoja duhet të hiqet. Vajza ishte e sëmurë nuk e dinte se çfarë fliste në intervistë e morën me zor. Ne nuk e dhunuam vajzën. Ngelëm pa ndjenja. Nuk e dimë se çfarë është bërë. Vajza ka ikur në Tiranë, e ka marrë shoqata e Elbasanit nuk e dimë ku është. Ata persona që kanë nxjerrë videon duhet të ndiqen penalisht. Ne kërkojmë të ikim nga këtu të shpërngulemi, nuk jetohet më këtu.”
