Është zbardhur dëshmia e Azgan Mërnicës, 23-vjeçarit që vrau me armë zjarri efektivin e “Shqiponjave”, Novruz Cenalia.
Vetëm një ditë pas dorëzimit në polici, Mërnica tha në polici se kanë pasur konflikt momental dhe më pas kanë nxjerrë armën e zjarrit të dy.
Ndër të tjera ai rrëfen se nuk është penduar dhe se e ka qëlluar efektivin nga frika.
“U konfliktuam, më shau e shava dhe unë. Nxori pistoletën i pari, e qëllova nga frika. Nuk jam penduar për krimin e kryer”, kështu raportohet të jetë shprehur në polici 23-vjeçari.
Ai u vetëdorëzua mbrëmjen e së mërkurës në policinë e Fierit, pas ultimatumit që iu dha familjarëve nga RENEA, e cila e kishte lokalizuar në fshatin Dërmenas.
Efektivi Novruz Cenalia u vra mesditën e së hënës në fshatin Baltëz, pas një konflikti të çastit me Mërnicën.
23-vjeçari përballet me akuzat “vrasje të punonjësit të Policisë së Shtetit dhe armëmbajtje pa leje”.
