Njerëzit nuk kanë gjasa që të jetojnë më gjatë se 125 vjet dhe madje as përparimet në shkencat mjekësore nuk do të mund të thyejnë barrierat.
Ky është rezultati i një studimi të fundit.
Jetëgjatësia, prej shekullit të 19 është rritur vazhdimisht, me një fëmijë të lindur që priret të jetojë deri në 81 vite sot, krahasuar me vetëm 50 vite në 1900.
Shumë shkencëtarë si Profesori i Harvardit David Sinclair, kanë spekuluar se nuk ka asnjë limit mbi ateë se sa vite mund të jetojë një njeri.
Por një studim i ri sugjeron se trajektorja në rritje e ka një tavan, të cilin ne tashme e kemi arritur.
Shkencëtarët në Kolegjin Mjekësor Albert Einstein, në New York, besojnë se jetëgjatësia e njeriut arriti kulmin në vitin 1997 me vdekjen e gruas më të vjetër në botë, Jeanne Calment, në moshën 122 vjeçare.
Në dy dekadat e fundit mosha më e vjetër në të cilën njerëzit kanë ndërruar jetë vërtitet rreth moshës 110 vjeç dhe pavarësisht përparimit të habitshëm shkencor, askush nuk e ka thyer rekordin e Calment.
Personi më i moshuar i gjallë është Emma Morano, 116 vjeç nga Italia, që lindi në 1899 edhe pse një njeri Indonezian pretendon të jetë 145 vjeç.
Studiuesit besojnë se mospërputhshmëritë në kopjimin e gjeneve gjithmonë nënkuptojnë se ka kufizim të caktuar për jetën e njeriut.
“Demografët si dhe biologët kanë argumentuar se nuk ka arsye për të menduar se rritja e vazhdueshme në jetëgjatësi maksimale do të përfundojë së shpejti”, ka thënë autori, Dr Jan Vijg, profesor i gjenetikës në Albert Einstein.
“Por, të dhënat tona sugjerojnë fuqishëm se limiti tashmë është arritur dhe se kjo ka ndodhur në vitet 1990”
“Progresi i mëtejshëm kundër sëmundjeve infektive dhe kronike mund të vazhdojë rritjen e jetëgjatësisë mesatare, por jo jetëgjatësi maksimale”.
“Ndërsa është e mundshme që përparimet terapeutike mund të zgjasin jetëgjatësinë e njeriut përtej kufijve që ne kemi llogaritur, përparime të tilla do të kenë nevojë për të testuar shumë variante gjenetike, që shfaqen për të përcaktuar në mënyrë kolektive jetëgjatësinë e njeriut”-përfundoi doktori.
Opinion.al/a.h
