Kronikë

E ktheu banesën në fermë kanabisi,dënohet me burg shqiptari në Angli



Bëhu pjesë e Grupit Zyrtar të Opinion.al
>> KËTU <<
               Publikuar në : 21:54 - 11/07/22 |
Opi Nion

Një shqiptar është dënuar me dy vite e tetë muaj burg në Angli pasi e kishte kthyer banesën në fermë të kultivimit të kanabisit.

I arrestuari wshtw identifikuar si Bajram Koleci. Gjatë kontrollit të policisë iu gjetën 686 bimë, nga të cilat 457 u vlerësuan nga eksperti pasi pjesa tjetër ishte e dëmtuar. Vlera e tyre ishte midis 48,000 dhe 197,000 £.   Po ashtu iu sekuestruan dy telefona, të cilët i përdorte për të komunikuar me një burrë që e udhëzonte për listën e pajisjeve të nevojshme për prodhimin e drogës së klasit B.

Ndërkohë Bajram Koleci deklaroi në gjykatë se ishte i detyruar t’i bënte këto veprime.

“Jam detyruar. Jam trafikuar në Britaninë e Madhe dhe kam pasur borxh”, tha ai.

Ndër të tjera ai shtoi se kishte qenë në Port Talbot për gjashtë muaj dhe kishte tentuar të largohej, por “u kërcënua me armë dhe u fut me forcë brenda”.

63-vjeçari, u paraqit në Gjykatën Swansea Crown për të marrë dënimin pasi pranoi se prodhonte kanabis.

Avokati i tij, Stephen Thomas tha: “Ai është një emigrant i paligjshëm në këtë vend. Ai erdhi në Britani për të gjetur punë dhe për t’u përpjekur për të përmirësuar jetën e tij. Ai ka një vajzë dhe grua në Shqipëri që varen prej tij dhe nuk punojnë. Ai e ka pasur shumë të vështirë të gjejë punë ndërtimi në Shqipëri prandaj ka udhëtuar në këtë vend.I pandehuri më thotë se është i sëmurë dhe diabetik dhe ka rrahje zemre të çrregullt, i pandehuri ka punuar për ata më lart për një shpërblim të vogël. Atij i vjen shumë keq për sjelljen e tij dhe e pranon atë që bëri ishte e gabuar dhe i vjen keq që u përfshi në këtë sipërmarrje”.

Në përfundim, shqiptari Bajram Koleci u dënua me dy vite e tetë muaj burg nga gjyqtari Paul Thomas.

Pas