Koronavirusi vijon të shkaktojë viktima në Shqipëri, ku vetëm në 24 orët e fundit kanë humbur jetën tre persona, ndërsa janë konfirmuar 99 raste të reja. Ndërkohë, Eurostat ka publikuar të dhënat e 14 ditëve të fundit për numrin e të infektuarve për 100 mijë banorë.
Referuar këtyre të dhënave, konstatohet se Shqipëria është më mirë se vendet e tjera të rajonit, me 39 të infektuar për 100 mijë banorë, por ka numrin më të ulët të testimeve në rajon, gjë që është matësi i përhapjes së virusit.
Aktualisht, Shqipëria është shumë larg standardit të vendosur nga BE, ku mesatarja e të infektuarve është 13 për 100 mijë banorë.
Ndër kushtet për hapjen e kufirit, BE ka vendosur dhe numrin e testimit dhe gjurmimit të rasteve për të pasur një pasqyrë më të saktë të përhapjes se virusit si dhe situatën social-ekonomike.
Shqipëria renditet në vend të fundit në rajon sa i përket testimeve për 1 milion banorë. Në vend të parë është Serbia, e ndjekur nga Mali i zi, Maqedonia e Veriut, Bosnjë Hercegovina. Kroacia, Kosova dhe në fund Shqipëria./ Opinion.al
