Një grabitje ka ndodhur mbrëmjen e sotme në kryeqytet, në rrugën “Kongresi i Manastirit”.
Mësohet se një person rreth 25 vjeç ka grabitur rreth 80,000 lekë në një dyqan interneti.
Grabitësi i maskuar me kapuç dyshohet se ka qenë i pajisur dhe me armë zjarri, pasi gjatë dëshmisë në polici, punonjësi i dyqanit ka thënë se vuri re diçka të dyshimtë në dorën e grabitësit, për të cilën dyshon se ishte armë zjarri.
Pasi i ka marrë shumën e parave punonjësit, grabitësi është larguar me shpejtësi. Grupi hetimor po punon për identifikimin dhe kapjen e autorit.
