Mediat greke shkruajnë se Alket Rizai, i cili pretendohet që po kryen dënimin në qelinë e burgut Domokou, shëtit i lirë në Greqi.
Lajmi është publikuar në mediat greke, teksa theksohet se Skuadra e Ndërhyrjes së Shpejtë ka ndaluar një mjet tip “BMW” luksoze me xhama të zinj, që iu ka tërhequr vëmendjen, në kryqëzimin e Qipros. Sipas Zougla, momenti kur dera e pasagjerit në makinën luksoze “BMW” e zezë me xhama të errët u hap, policia greke është përballur me Alket Rizain, i burgosuri shqiptar që ndërkohë duhet të ishte në qelinë e tij në burgun Domokou.
Ndërsa japin detaje për arrestimin e tre personave në Lamia, që udhëtonin me mjetin luksoz, mediat greke, shkruajnë se gjithçka ndodhi mesditën e së premtes.
Sipas njoftimit të policisë, Alket Rizai kishte marrë leje nga burgu Domokou, ndërsa personi që e shoqëronte, shoferi i makinës të blinduar, ishte një nga njerëzit më të famshëm të jetës së natës në Athinë. Ndërkohë që pasagjeri i tretë në makinë, ishte po ashtu një 36-vjeçar me kombësi shqiptare, me një numër të konsiderueshëm të veprave penale në policinë greke.
Kujtojmë që Alket Rizai tërhoqi vëmendjen e shumë mediave disa kohë më parë kur tentatoi arratisjen me helikopter nga burgu i sigurisë së lartë në Koridhalo, të Greqisë./Opinion.al
