Prokuroria ka ngritur akuzat ndaj drejtorit te Ujësjellësit të Ersekës, i cili mban edhe postin e Partisë Socialiste , Orest Malushi.
Ai u vendos në pranga pasi akuzohet për dy vepra penale, përkatësisht atë të kanosjes dhe armëmbajtjes pa leje.
Mësohet se Malushi, është arrestuar mbrëmjen e të dielës, ndërkohë pasditen e po asaj dite, 28 shkurt 2016, policia deklaroi se po ndiqej në gjendje të lirë pasi kërcënoi me armë Zylyftar Byrekun,52-vjeç, militant i Partisë Demokratike. Policia tha se incidenti kishte ndodhur për shkak të një konflikti banal. Prokuroria thotë se ndaj tij ekzistojnë prova shkencore që e implikojnë.
Ka qenë Enlekejd Alibeaj i cili nga selia e PD denoncoi të dielën dhunën e ushtruar nga kryetari i PS-së së Ersekës, Orest Malushi. “Orest Malushi, në shoqërinë e kreut të PS së Leskovikut, Sergei Peshtani dhe drejtorit të Ujësjellësit, Robert Hamzaj, ka qëlluar me armë drejt anëtarit të Partisë Demokratike, Zylyftar Byreku, në një lokal në Shelegur”, ka thënë Alibeaj.
