Një turist në Vatikan u zhvesh dhe pozoi lakuriq përgjatë altarit në bazilikën e Shën Pjetrit si akt proteste ndaj luftës në Ukrainë.
Sipas Reuters, burri që vizitoi kishën qëndroi lakuriq në altarin kryesor të enjten pasi hoqi rrobat e trupit.
Burri i paidentifikuar në një foto të publikuar në internet tregon se kishte një shkrim në shpinën e tij që bën thirrje për shpëtimin e fëmijëve ukrainas.
Sipas burimeve në Vatikan, burri kishte vetë-shkaktuar prerje në trupin e tij që dukej të ishin plagë nga thonjtë e tij.
Nuk dihet nëse ai do të përballet me ligjin, ndërkohë ngjarja ndodhi përpara se objekti fetar të mbyllej pasdite.
Disa faqe të mediave italiane publikuan foto të incidentit të marra nga turistët, të cilat u bënë virale edhe në platformat e mediave sociale.
Por sipas mediave të huaja kjo nuk është hera e parë që ndodh një incident i tillë në bazilikë. Në vitin 2016, 44-vjeçari Luis Carlo u arrestua pasi u zhvesh lakuriq brenda shtëpisë së shenjtë./Opinion.al
