E bija e adoptuar e Woody Allen vendosi ta tregojë të gjithë historinë në emisionin CBS This Morning, intervistuar nga Gayle King. Më parë Farrow është shprehur se Allen e ka sulmuar seksualisht në vitin 1992, kur ajo ishte 7 vjeç.
Allen i ka mohuar gjithmonë akuzat duke thënë se ajo është manipuluar nga e ëma Mia Farrow gjatë divorcit famëkeq të tyre.
Farrow tha gjatë intervistës se Allen fillimisht e kishte marrë në papafingo dhe më pas e kishte ngacmuar.
“Si një 7 vjeçare do thoja që ai më preku në pjesët private. Si një 32 vjeçare do thoja që ai preku vulvën dhe labian time me gisht,” u shpreh ajo.
Farrow shtoi se Allen gjithmonë e ndiqte nga pas, e prekte dhe i kërkonte të futej në shtrat kur ai ose ajo ishin vetëm me të brendshme. Megjithatë prokuroria në të atë kohë nuk e konsideroi si sulm seksual dhe nuk ngriri akuza kundër Allen.
Në një intervistë të asaj kohe, Allen mbron veten duke thënë se nuk është pedofil dhe Dylan u mësua nga e ëma që të fliste kështu gjatë divorcit./ Përgatiti: Elena Lika
