Në kuadër të masave të marra për parandalimin e koronavirusit, Qeveria vendosi që çdo qyetarë që do të dalë nga banesa për të bërë pazare duhet që më parë të marr leje përmes platformës e-Albania.
Por, shumë qytetarë janë ankuar se nuk mundën të bënin pazaret e planifikuara, për shkak të mosfunksionimit të sistemit të e-Albania për të marrë autorizim për të dalë.
Ndërkohë, zëvendësdrejtor i Agjencisë Kombëtare të Shoqërisë së Informacionit Daniel Shima, ka pranuar se sistemi ka shfaqur probleme. Shima tha se specialistët pranë AKSHI-t po punojnë për përmirësimin e infrastrukturës së platformës.
“Ka pasur shumë aplikime nga pensionistë, një fashë që nuk duhej të aplikonte, dhe kjo ka ngarkuar sistemin. Ka pasur edhe shumë aplikime nga persona që aplikojnë nga jashtë Shqipërisë. Kjo është ngarkesë e paparashikuar”.
Shima tha se specialistët pranë AKSHI-t po punojnë për përmirësimin e infrastrukturës së platformës. Rregulli i ri i qeverisë për të dalë nga shtëpia vetëm me autorizim ka hyrë në fuqi prej ditës së sotme dhe është funksional vetëm për zonat urbane.
Leje mund të marrë vetëm një person i familjes për nevojat bazike si ushqimet apo ilaçet, ndërsa përjashtohen nga ky rregull pensionistët, të cilët nuk duhet të lëvizin nga shtëpia./ Opinion.al
