Gjykata e Vlorës ka dhënë masën e arrestit me burg për 16 vjeçarin David Kovaçi, i cili akuzohet se ka shantazhuar me telefonata dhe mesazhe, Adela Çaçin, duke e çuar drejt vetëvrasjes.
16-vjeçari e kërcënonte vajzën se do të publikonte video intime dhe mesazhet mes tyre, nëse në këmbim ajo nuk i jepte para.
Pas përndjekjes dhe presionit të vazhdueshëm, adoleshentja i ka dhënë fund jetës dy ditë më parë duke u vetëhelmuar me fotoksinë, në fshatin Duhanas, disa kilometra larg qendrës së qytetit të Beratit.
Bashkëmoshatarët ishin nxënës të shkollës së mesme profesionale “Kristo Isak” në Berat./Opinion.al
