“Më vjen keq, nuk doja, nuk jam vrasëse”. Me këto fjalë i është drejtuar gjykatës 26-vjeçarja greke e cila një ditë më parë qëlloi për vdekje 35 vjeçarin shqipuar Valton Loka në ishullin e Kretës.
35-vjeçari u përpoq të ndihmonte fqinjën 26-vjeçaren e cila është përdoruese e drogërave, por ajo e goditi me thikë në kraharor duke e lënë të vdekur në vend.
Nga ana tjetër, mediat greke kanë publikuar informacione të tjera lidhur me 26-vjeçaren dhe jetën e saj.
Ajo ishte lënë e lirë nga autoritetet vetëm disa orë përpara se të kryente krimin. Vajza ishte arrestuar dhe akuzohej për grabitje, ndërkohë që me kërkesë të prokurorit, një gjyqtar grek vendosi që 26-vjeçares t’i jepej një shans për t’u rehabilituar meqënëse është përdoruese droge. Kështu, e reja e cila është diagnostikuar edhe me HIV/AIDS, u la e lirë me kusht disa orë para se t’i merrte jetën 35-vjeçarit shqiptar Valton Loka.
Vajza ishte abuzuar seksualisht në moshë të re dhe gjatë viteve të fundit ka udhëtuar mes Athinës, Rodhosit, Kretës duke shitur trupin e saj.
Në momentin e ngjarjes, 35-vjeçari shqiptar ka dëgjuar zhurma nga banesa e fqinjës dhe ka shkuar ta ndihmojë, po në momente acarimi vajza e ka qëlluar me thikë.
Valton Loka ishte baba i dy fëmijëve dhe familja e tij jetonte në kushte të vështira ekonomike. Bashkëshortja ka deklaruar se tashmë e ka të pamundur të paguajë shpenzimet për sjelljen e trupit në Shqipëri.
